لأول مره في المنتديات ، طريقه لتجفيف الشعر صحيه ونتائجها مثل السشواار

لأول مره في المنتديات ، طريقه لتجفيف الشعر صحيه ونتائجها مثل الاستشوار( بالصور)...



السلام عليكم ورحمة الله وبركاته



اليوم موضوعنا سابقه من نوعه ، وتمنى يكون واضح ومفهوم ، وان شاء الله مع الشرح بتوصل المعلومه للجميع .



فكرت اشلون اعرض الموضوع ، وكنت بكتفي بالشرح بس اخاف ماينفهم ، فحاولت ارسم بالفوتوشوب لأول مره ، تراي عليم بالفوتوشوب يادوب على ضغط الصور والكتابه عليها . بس عقدني ماتوقعت انه صعب لذي الدرجه .



بس اول مره اعرف اني فاش بالفوتوشوب<== انهد حيلو وهو \يحاول يرسم .


وأنا على بالي سهل مثل الرسم باليد ، على العموم يارب يكون رسمي واضح ،واهم شي تكون الفكره واضحه .



نجي للمهم .



عندي لكم طريقه اتبعها منذ أزل في تجفيف الشعر ، احلى مافيها ، انها صحيه وتعطيك نتائج مرضيه كأنك مستشوره شعرك بقوة 800 واط ، انتبهوا ماقلت 2000 واط . وكل ماكان شعرك ناعم اعطت نتائج مذهله ، وطبعا كل ماكان الشعر خشن كانت النتائج أقل ارضاء .

الطريقه تناسب كل انواع الشعر ،طويل او قصير ناعم أو مجعد ، ممكن ذوات الشعر الخشن يلاقون صعوبه شوي فيها بس هي أفضل طريقه في تمليس الشعر وتحسين مظهره من غير استشوار .



أولا: بقولك نوع شعري عشان ماتنهال الاسئله علي : شعري طويل ، متوسط الكثافه ، الشعره نفسها رقيقه ( السمك ) ، يتاثر بالرطوبه ، دهني ، كيرلي نسبيا ....

شعري في الوقت الحالي مو مصبوغ ولا فيه أي نوع من العلاجات الكيميائيه ، ولونه صاير اشهب ( لون شعري الاصلي بني على عسلي على شوية أحمروكستنائي <= كوكتيل ) <= سابقا الحين اشهب واحس ان لونه صاير مخضر . جد مو مزح . عاد انا شعري على طول يقلب لونه من الشمس .....

وأزيدكم من الشعر بيت باديه علامات التقصف تظهر . والاطراف بدت تصير ناشفه


طبعا انا من النوع اللي ماحط زيوت بالمره في شعري تقريبا لي 7 سنوات او أكثر ماقربت من زيت بس احيانا استخدم بلسم او معالجات الشعر او الانبولات ، وفي الفتره الاخيره اهملته كليا ، مجرد اغسله واستشوره ، او أجعده بجيل . ..

ومن شهر بديت ارجع لسابق عهدي . وشريتلي كم منتج من المنتجات الخفيفه على الميزان خخخخ أقصد على الجيب ، قلت ياولدجرب الرخيص وقارن يمكن يكون مثل الغالي <== وعلى فكره بذكرلكم تجاربي مع بعض المنتجات ذات الاسعار الحامضه ( الغاليه) في موضوع ثاني . <= ياكثر ماتوعد .



لذلك موضوعنا اثنين في واحد .


منتجات جديده اعجبتني ورخيصه ، بالاضافه الى طريقة الطاقيه ( الحوايه ) .

اممممممممممممممممممم بوش أبدأ




خلينا نبدأ بالطاقيه






.............................يتبــــــــــــــع... ................ .


لأول مره في المنتديات ، طريقه لتجفيف الشعر صحيه ونتائجها مثل الاستشوار( بالصور






...............نكمــــــــــــــــــــل........... .........



نحتاج مشط وبنس حجم صغير وكبير (pins) ومنشفه . بندانا ( منديل شعر) او اشارب يغطي كامل الشعر .



هذي صورة البنس





بعد ماتغسلين شعرك زين ، جففي شعرك بالمنشفه نصف تجفيف يعني خليه يكون ندي نسبيا .

دلكي شعرك بمنتج التصفيف اللي تحبينه او أي سيرم ا كريم .......... إلخ .




نقسم الشعر من الاذن للأذن وحاولي يكون الجزئين مناصفه ، يعني بيكون عندنا قسمين خلف وأمام.




شوفو شلون من الخلف ، على فكره الطاقيه تعتمد اعتماد كبيره على تكنيكك في التصفيف وعلى مقدار شدك للشعر وتثبيت البنس صح ، إذا شديتيه زين راح يبين ناعم اكثر .


نبدأ بالقسم الخلفي ونشده نحو الاذن اليسرى ، واثناء شدك تحطين البنس (pins) انا احطها مثل الصوره بالضبط ، واحب البنس اللي قرب الاذن تكون متعاكسين في الاتجاه ، لأنا من جهة الاذن نبدأ نلف الشعر . عشان نمكن الشعره ولا تنفك وتحوس الدنيا علينا .



طبعا نخلي الجهه اللي شديناها مثل ماهي ، ونبدأ في الجهة الاماميه ونشد الشعر باتجاه الاذن اليمنى وايضا نثبت الشعر بالبنس بنفس الشكل اللي بالصوره ، طبعا عدد البنس تعمد على مهارتك وعلى كثافة شعرك . وكل ماقلت البنس كان الشعر ستريت أكثر .





الحين نرجع للجهة الخلفيه ونشدها من جديد وندمجها مع الجهة الاماميه ، إذا غرتك طويله ممكن تتبعين طريقه أخرى ، وهي انك تلمين الغره مع الشعر الخلفي وبعدين تجيبنه قدام ، عموما لاترهقون نفسكم بالتفكير الصوره توضح أكثر .





الحين بعد مالمينا اللي قدام بيبقى شعر الغره نلمه .



وراح يكون بهالشكل ...هذا الشكل النهائى


يصير شكلك كنك لابسه طاقيه . طبعا بيدل راسك كبير شوي خخخخخخخ مثل المخلوقات الفضائيه . بس إذا ضبطيها صح بيكون شكلك اقل وقعا يعني بتصيرينمثل فرانكشتاين لووووووووووووول .


ملاحظه:

اللي مو معوده على الطاقيه ممكن تسببلها انزعاج بسيط لانك تمشطين شعرك بعكس الاتجاه ، وايضا نصيحه لاتنامون بالطاقيه تقومين مصدعه ولا تطولين فيها كثير عشان ماتسببلك انزعاج .
......................... يتبـــــــــــــــــــــــــــ ع........................


.............................. ..نكمـــــــــــــــــــــــــل................



أهم شي بعد ماتخلصين تربطين شعرك ببندانه أو منديل شعر أو إشارب يغطي كامل شعرك



وهذي صورة البندانا تأكدو انها كبيره تغطي كامل الشعر .





هيه وين رايحين بعد ماخلصنا ، بعد مايبدأ شعرك ينشف ارجعي كرري العمليه بالمقلوب ، يعني اقلبي وجهك خخخخخ أقصد اقلبي شعرك .

انا اقلبها بعد نصف ساعه ، واصلحها مرتين . وأحيانا ثلاث . وبعدها الم شعري بطريقة الكعكع <== عاد مدري وش يطلق عليها اسماء او بالاحرى تعرفون وش يعني كعكع.

وكل ماقلتبيها كثير كل مانعم وانفرد شعرك اكثر ( يعني صار استريت )



الحين بقولكم عن منتجاتي .


والله هالمنتجات بالرغم انها من السوبر ماركت الا ان نتائجها مرضيه ، تعالج التقصف والجفاف باختصار للشعر التالف والميؤس منه ، طبعا فيه عدة انواع بس هذي النوعيه اللي تناسب حالة شعري في الوقت الحالي .

وتقريبا لي شهر او ثلاث اسابيع ماذكر بالضبط ، وبينت النتجيه من أول استحمام ، وثاني استحمام كانت النتيجه افضل ، وكل مره اشوف ان شعري يتحسن وبدأ يرجع للونه الطبيعي ، وايضا أهم شي انه صار يقاوم الرطوبه بشكل كبير ،وعاد اكبر امتحان له قبل أكثر من اسبوع لما جات مووجة الامطار ، طبعا شعري مايقرد يقاوم الكششان بس أقدر اقول انه كش بنسبة 15% بس وكل ماله يتحسن ، وهذا يعتبر انجاز بالنسبالي . يبيلي اروح مكان بيه رطوووبة اختبره صح .


المجموعه من جارنيه





ماسك مقوي للشعر . وأحلى شي انه يناسبني ويناسب اللي ماتداني تهتم بشعرها وضعه مجرد دقيقه واحده ..
هذاااااااااا قلق بل قلقيشن ..





كريم بعد الحمام




احلى مافي هالمنتجات انه مع كل مره تستخدمينه يتحسن شعرك ، انا ناسبني لانه قوى شعري بما ان شعرتي رقيقه زادها قوه .


وعلى فكره كريمهم تقريبا مثل السيروم غير دهني أبدا ، اللي شعرها جاف ممكن تحط فوقه كريم مرطب .


طبعا هذي خلاصة تجربتي ، وممكن اللي يناسبني ماينساب غيري ، لذلك مابي احد يسخط علي إذا ماناسبه .


موفقات .


وإلى اللقاء في موضوع آخر .